قصيدة الجمهرة

[luffy]

 

السلام عليكم ورحمة الله

اصدقائي الاعزاء اما بعد:أريد ان اهديكم هذه القصيدة بما انني جديد



الجمهــــــــــــــــــــــــــــــــره
ايه بالله اخطو والخطا اللي جابهم عين الصواب
مبطي وانا اشوف الطمع يكشف رداهم واستره
مايملي عين الحسود بهالزمن غير التراب
ومن مايتوب من الخطا تحرم عليه المعذره
اللي من اولها خراب اكيد بتاليها خراب
ودك ليامن جتك الغلطه من الناس القراب
الصاحب اللي ماكسبت محبته ماتخسره
مشكلتي اني ماحسبت لصدتهم حساب
ألبارحه ثارت علي أرقاب أو وبني أرقاب
ألبارحه يثقل دم ألبارحه ويامحقره
اهب ياوجه الطمع وشلون تمنعهم وغاب
كيف السنين اللي عطتني بعثرتهم بعثره
اثر المصايب ماتجيك الا من الناس القراب
وفي هالزمن حتى الرفيق اللي تثق فيه احذره
لا بارك الله من خوي تزعله كلمه عتاب
ولا جمع الله الرجال اللي تفرقهم مره
الصاحب اللي ماتجي من صحبته غير العذاب
نذرآ علي ان ماهجرني والا انا بهجره
من يفتح لفرقاي باب افك له عشرين باب
والصاحب اللي ما يقدر خوتي ماقدره
ان روحو فانا بري منهم ليوم الحساب
وان جرحو قولو لهم ماحركو فيني شعره
شفهم لهم حول السنه ولا خذو مني جواب
احسن دوا للي يحاول يستفزك تحقره
شفني جمعت اوراقهم في كتاب واغلقت الكتاب
ياوقت لم اللي تلمه وانثر اللي تنثره
ماكنت احاتيهم صغير عاد احاتيهم شباب
ياوقت انا من لاذخرني للشدايد مااذخره
عقب اكتئاب البارحه ماعاد انا حمل اكتئاب
الطيب جرجرني وانا مانيب ناقص جرجره
اللي يخاف من الظما يترك لنا طرد السراب
واللي ماهو قد الظلام ووحشته لا يسهره
انا تجرعت العطش لين احترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالم ماتستحق المغفره
انا اكثر انسان تعلم من كثر ماخطا وصاب
انا اخر انسان يتكلم في زمان الثرثره
انا القصيد اللي فزع من دفتره مليون ناب
وانا الوحيداللي جمع مليون ناب بدفتره
جفني وجرحه السهر
حيلي وهدته الصعاب
دمعي هدرضحكي ندر
عمري وضيعت اكـــــــــــــثره
شيبت عقول العرب
هيبت روس ماتهاب
جمهرت ناس عمرهم مايعرفون الجمهره
ماصرت ذيب الا لان اللي حواليني ذياب
ماكنت اغيب الا لان العفو عند المقدره
ترى حلاتك لاحملت لصاحبك كلمه عتاب
ان مانطقت ابها بوجهه لا تلمه بظهره



اتمنا ان تعجبكم

[الحوت]

 

شكراااا رائعة جداااا